شوية ديال العلم النافع:
الدراسات كاتقول أنه كاينين 5 أسباب علمية:
أولا: علم الوراثة، يقول أن تمثل الرجل عند المرأة مرتبط أساسا بداك الرجل البدائي اللي يقدر يحامي عليها من مخاطر الحيوانات والوحوش المفترسة لذى فيه تحتاج اللي يحامي عليها من المخاطر المحدقة بها هي أولادها. نفس هذا الطرح كاين عند الحيوانات بحث كاتختار الأنثى دائما الذكر الأقوى وفي كثير من الأحيان ما كايطونو معارك و مطاحنات بين الذكور واللي يغلب يتزاوج بالأنثى.
ثانيا: علم الاجتماع حتى هو يؤكد هذا الطرح بحث أشار عالم الاجتماع ميشيل بوزون في دراسة في 1990 (إلى باقا الذاكرة كاتشد) إلى واحد المصطلح اسمو الهيمنة التوافقية ( a consented domination) بحيث تقبل المرأة بشكل إرادي كافة مظاهر هيمنة الرجل ترفض الرجل اللي مايقدرش يهيمن عليها بالمقابل كاين مفهوم سوسيولوجي أخر في نفس السياق الي هو المرأة الغنيمة ( trophy wife) بمعنى أن المرأة الجميلة ( أو السمينة أو الولودة… حسب مختلف الثقافات ) يعتبرها الزوج معيار للنجاح الاجتماعي بالمقبل الزوج الثري والقوي يعتبر غنيمة اجتماعية للمرأة.
ثالثا: بيولوجيا، من المعروف أن البلوغ عند البنت يكون أسرع من الدري بحيث البنت كاتبلغ في سن ديال 12-13 سنة (هاد الجيل ديال دابا يبلغ قبل) و كاتعرف أنها بلغات والدري كايبلغ ف 15 سنة ويقدر ما يكون واعي بالأمر. وطبعا النمو البيولوجي يرافقه نمو نفسي ونضج في الشخصية بمعنى أن ديك 3 ديال السنين د الفرق كاتكون البنت قطعات فيهم أشواط وملي تجي تدوي مع دراري قدها ف الإعدادية أو الثانوية كايبانو ليها براهش و مافاهمين والو و كيبقا هاد البون والفرق في النضج قاعدة ف الحياة ديالها و كاتزوج ف الغالب بواحد يكبرها.
رابعا: علم النفس، من القيم الأساسية عند المرأة قيمة الأمان (دراسة ل Shalom Schwartz) هادا يعني الأمان أولية عند المرأة الشي اللي كايخليها تقلب على الرجل اللي يوفر ليها هادشي و هنا الأمان فيه أنواع كثيرة: الأمان في العلاقة (الوفاء) الأمان النفسي (الاهتمام) الأمان المالي (عمر) الأمان الاجتماعي (الخدمة، الدار، الوليدات.. ) . هادشي الي قلت هو اللي كافسر ظاهر كانشوفوها ف الأحياء ملي كاتلقا بنت أية في الجمال غادة مع شي مشرمل أو مقطع وفرحانة معاه وعاجبها الحال.
خامسا: التحليل النفسي، المرأة في بحثها عن الرجل، حسب مقاربة التحليل النفسي، تبحث
عن أبوها، والرجل يبحث عن أمه. علاش؟ حيث صحاب التحليل النفسي يقولون إن أول حب جنسي للمرأة كان أبوها وبالمثل الرجل كانت أمه هادشي اللي كايخلي المرأة تكرر نفس الأنماط الاجتماعية أي: الرجل القوي صاحب الكلمة و …. بالمثل في العلاقة الحميمية المرأة كاتحب أنها تكون خاضعة ومفعول بها وتميل إلى شوية ديال العنف في العلاقة (ماشي لدرجة السادية طبعا) عليها خاصها راجل يكون قوي جسديا وفي التصور ديالها.
في الأخير اذكر أن العلم ماشي شيء صحيح 100% و أنه يعبر على الطرح السائد ماشي القانون الواحد والأحد بمعنى كلامي ماشي عام وهناك استثناءات كثيرة و عديدة لهادشي اللي قلت.
الخلاصة قالوها جدودنا: يديها زعيم ولا كريم ولا مرضي الوالدي